სიმღერა
ვინც მომამადლა მე დიდი მადლი
ვინც მომამადლა მე დიდი მადლი
მკვდართ აღმადგენელ ხმათ ჩანგზე თქმისა,
ვინც ჩანგი მიძღვნა თვისი ნაკურთხი,
მომჯადოები სამოთხის ხისა,
ვინაც დამნიშნა ერის აღმზრდელად, –
ჩემს ბედს ყოველმხრივ განაგებს ისა:
როს მოისურვებს მიწა-მტვრად მაქცევს,
არა, – დამიდგამს სამეფო ტახტსა;
მაშ რა ვემდურო უმადურ ბრბოსა,
წყევლა ვით ვუძღვნა ჩემ ბედკრულ ძმასა?
წადით, გამშორდით, მაცდურო ხმებო,
არ მომიწამლოთ მაღალი ჰანგი.
მოძმეთა წყევა არ ათქმევინოთ,
არ გააბრიყოთ მგოსნისა ჩანგი.
კომენტარები
კომენტარის დასაწერად საჭიროა ანგარიშზე შესვლა. შესვლა