სიმღერა
თუ მამკლავ, ისევ შენ მამკლავ
თუ მამკლავ, ისევ შენ მამკლავ,
ქალავ, თავდახრით მცინარო,
დღეს ჩემის პირის მკოცნელო,
ხვალ სხვისთვის ძუძუს მჩინარო.
წყეული იყოს ღვთისაგან
ის დღე, როდესაც ვნახეო
შენი ფოფინა თვალები
და მოელვარე სახეო!..
შენშია ვნახე ქვეყნისა
სიკეთე, რაც კი არია;
შემოგნატრიდენ ზეცანი
და თავს გიკრავდა ბარია.
რად გინდა, ეშმაკის კერძო,
მასვა სასმელი მწარია?!
არ დაინდობა დიაცი –
მიწყივ ორპირი, ფლიდია,
როგორც სავალად ბეწვისა
ზღვას გადებული ხიდია.
კომენტარები
კომენტარის დასაწერად საჭიროა ანგარიშზე შესვლა. შესვლა