პოეზია
ღმერთო, ნუ მოჰკლავ პატარას
ღმერთო, ნუ მოჰკლავ პატარას,
ნუ აუტირებ მშობელსა,
ნუ მიაბარებ შავს მიწას
ამ სოფლის გაუცნობელსა,
ნუ ვნახავ ბავშვის კუბოსა,
ნუ გამხდი შენსა მგმობელსა!
აცადე, გაძღეს სიცოცხლით, –
ავის და კარგის ნახვითა,
შაეძლოს მამულის დაცვა
გამაგრებულის მკლავითა.
თუ არ აცლიდი, სოფელი
რადღა აჩვენე თვალითა?!
კომენტარები
კომენტარის დასაწერად საჭიროა ანგარიშზე შესვლა. შესვლა