სიმღერა
ჩვენთვისც იკარგვის, თქვენთვისაც
ჩვენთვისც იკარგვის, თქვენთვისაც,
რას დაგიღიათ პირები?
ნუთუ კარგ მამა-პაპასა
არ ჰყვანდეს კარგი შვილები?!
როგორ არ ჰხედავთ, გზა გეკრვისთ,
გარს შემოგერტყათ თხრილები?
თქვენ ბაი-ბუად არ ივლებთ,
მაღლა გიჭირავთ ცხვირები.
ხომ ჰხედავთ, ბოლოს გამწარდა
ის სიტკბო დანაპირები,
გახუნდა მუნდირებზედაც
ოქროთ ნაფერი ღილები!
კომენტარები
კომენტარის დასაწერად საჭიროა ანგარიშზე შესვლა. შესვლა